කොවිඩ් වසංගත තත්ත්වයත් සමඟ වසර දෙකකට ආසන්න කාලයක් පාසැල් වසා තැබීම නිසා බාල වයස්කාර දරුවන් පාසැල් හැරයාම ඉහළ ගොස් තිබෙන බව මහනුවර දිස්ත්‍රික් ලේකම් චන්දන තෙන්නකොන් පවසයි. පාසැල් වසා තිබීම නිසා දරුවන් අධ්‍යාපන වැඩ වලින් ඈත්ව වෙනත් කාර්යයන් සඳහා යොමුවීම ඉහළ ගොස් තිබෙන බවට තොරතුරු අනාවරණය වී ඇතැයිද ඔහු කියයි.
මහනුවර දිස්ත්‍රික් සම්බන්ධීකරණ කමිටු රැස්වීමේදී දිසාපතිවරයා මේ බව ප්‍රකාශ කළේය. මෙහිදී අදහස් දැක්වූ ගම්පොළ කොට්ඨාසභාර ජ්‍යෙෂ්ඨ පොලිස් අධිකාරී ශ්‍රියන්ත පීරිස් පැවසුවේ මෙම ගැටලුව වතු ආශ්‍රිතව බරපතල ඇති බවය. මේ සම්බන්ධව නිශ්චිතව දත්ත රැස් කළ යුතු බව පොලිස් අධිකාරීවරයා කීවේය.
Logging you in...
